ఈ పుట అచ్చుదిద్దబడ్డది
రేకు: 0377-4 భైరవి సంపుటం: 11-460
పల్లవి: ఇట్టె నేఁ దప్పక చూడ నెంతదానము
పట్టి నీతోఁ బంత మాడి పని గొందువా
చ. 1: పాటించి యిచ్చినమాఁటపట్టుకే నిన్నంటిఁ గాక
యీటున నీతోఁ బెనఁగ నెంతదానము
వాఁట మైన వలపులే వాసి రేఁచెఁ గాక నన్ను
వేఁట వెట్టి నిన్ను నింత వేసరింతునా
చ. 2: కదిసి చెప్పేకతకుఁ గాళ్లడిగితిఁ గాక
యెదురుమాటాడ నీతో నెందదానను
మొదల నా మొగమోటె మొక్కించెఁ గాక నీకు
యిదివో నిన్నుఁ దగిలి యింత సేతునా
చ. 3: సందడిఁ గాఁగిలించఁగా సంతోషించితిఁ గాక
యిందరిలో నిన్ను నవ్వు నెంతదాననూ
అంది శ్రీవెంకటేశుఁడ అట్టె నన్నుఁ గూడితివి
పొందుకు మెచ్చే కాక పోనీ కిట్టె వుందునా