ఈ పుట అచ్చుదిద్దబడ్డది
రేకు: 0377-3 సాళంగం సంపుటం: 11-459
పల్లవి: ఏల తిట్టేవే నన్ను నెంత గబ్బిదాననే
మే లని పొగడితేను మెచ్చ వద్దా నీవూ
చ. 1: చిక్కని వెన్నెలతేట సెలవినె వుండఁ గాను
చక్కని నీ మోమునె చంద్రుడు డంటినే
నిక్కి నిక్కి మూతు లెత్తి నీ మొగాన కెగరఁగా
జక్కవపిట్టలు నీ చన్ను లంటినే
చ. 2: కామించి మురిపెముతోఁ గదలుచు నుండఁ గాను
రామ నీపిరుఁదు మరురథ మంటినే
కోమలపుఁ బోలికలు గురుతులు చూపఁ గాను
తామెరలనె పాదాలు తగ నంటివే
చ. 3: జాతిమెఱుఁగులతోడ సరివచ్చి వుండఁగాను
నీతురుమె రాశి యైల నీలా లంటినే
నీతితో నన్నుఁ గూడితి నేను శ్రీవెంకటేశుఁడ
నీతనువె బంగారునెల వంటినే