ఈ పుట అచ్చుదిద్దబడ్డది
రేకు: 0377-1 సాళంగం సంపుటం: 11-457
పల్లవి: ఏ మయ్యా వో యయ్య వే మయ్యా నే
మేమి బాఁతి నీకు నేల పిలిచే వయ్యా
చ. 1: నీ సరివారమా నేము నిండు సరసము లాడ
ఆసలఁ బెట్టక మాను మన్నామానవు
కాసు సేయనిపనికి కమ్మటి నాన వెట్టేవు
వేసరక నీవు మావెంట వెంటఁ బాయవు
చ. 2: చనవరులమా నేము సంగడి నీతోఁ గూచుండ
పొనిగి వోయినసుద్ది పో నియ్వవు
ననిచినవావు లెల్ల నాటికి నాఁడే కాక
కొనవేసి మమ్ము నేల కూరిమి గొసరేవు
చ. 3: నిన్ను మీరెవారమా నేఁ డేమి సేసినాను
కన్నులఁ దప్పక చూచి కలసితివి
యిన్నిటా శ్రీవెంకటేశ యిందరు నిట్టై చూడఁగ
నన్ను మన్నించి నాతోనె నవ్వులు నవ్వేవు