ఈ పుట అచ్చుదిద్దబడ్డది
రేకు: 0376-6 సాళంగం సంపుటం: 11-456
పల్లవి: దోసము దోసము దొర నే మనినా
యీసు లేనివిభుఁ డిచ్చకుఁ డతఁడూ
చ. 1: పంతము లాడకు పగతోఁ జూడకు
కాంతుఁడు నిను నిదె కైకొనును
యెంత వడియు నీ వెరఁగక తిట్టిన
వంతుకు మొక్కవె వైపరి యతఁడూ
చ. 2: కోపము మానుము గుంపెన లుడుగుము
తీపుల నీపైఁ దెగఁ డతఁడు
చే పట్టఁగ గోరఁ జిమ్మినయందుకు
మోపుచు శిరసున మొక్కవె యిపుడు
చ. 3: చలము లేమిటికి జంకెన తగ దిఁక
బలిమి శ్రీవెంకటపతి గూడె
తొలుత నీ వతనిఁ దోసి పెనఁగితివి
అలరుచు మొక్కవె అన్నియుఁ దేరె
