ఈ పుట అచ్చుదిద్దబడ్డది
రేకు: 0376-5 సామంతం సంపుటం: 11-455
పల్లవి: ఎటువంటి నీ మాయ యెరంగమురా
యిటువంటి చేఁతలనే యెడ్డ నైతిరా
చ. 1: నగఁ బోతే నీ చేతి నాలికి లో నయితిమి
అగ డాయ మావలపు లట్టే వుండరా
మొగము చూడఁగఁ బోతే ముంచుకొనె మోహ మెల్ల
యగసక్కెములకే యేమి సేతురా
చ. 2: మాఁట లాడఁ బోయి నీతో మంతనాలఁ జిక్కితిమి
యేఁటికి మమ్ముఁ జెనకే వేడ సుద్దిరా
మేఁటినిన్న మెచ్చఁ బోయి మేనవాని చుట్టుకొంటే
యేఁట వెట్టీఁ దమకము యేమి సేతురా
చ. 3: కరఁగించఁ బోయి నీ కాఁగిట నేఁ గూడితి
యిర వాయ వయసు నవ్విఁక నేలరా
సరవి శ్రీవెంకటేశ సమ్మటూరిలో మనము
యెరవు లేని యీమేలు కేమి సేతురా
