ఈ పుట అచ్చుదిద్దబడ్డది
రేకు: 0376-4 ముఖారి సంపుటం: 11-454
పల్లవి: ఇంక నేల తెగి కొంక నెదురా నేనూ నీవు
కంకిగా నేమి సేసినాఁ గా దనేనా నేను
చ. 1: మక్కువ నీవే నన్ను మన్నించఁగా నింతే కాక
యెక్కడ నీసతులలో నెవ్వతె నేను
మొక్కలపుఁజేఁత లేల మొగమాట మరి యేల
వక్కణించి నీ వే మన్న వద్దనేనా నేను
చ. 2: నీ విచ్చినచనువున నేనే కసరితిఁ గాక
యీవల నీ వూడిగాన కేబాఁతి నేను
ఆవలఁ గపట మేల అట్టె కూటము లేల
నీవలసిన ట్టుండఁగా నిందించేనా నేను
చ. 3: కామించి నీవే నన్నుఁ గలయఁగా నింతే కాక
యేమంచిదాన నీకు యిప్పుడే నేను
ఆముక శ్రీవెంకటేశ అట్టె నన్నుఁ గూడితివి
ప్రేమము నీవు నించఁగా బిగిసేనా నేనూ