ఈ పుట అచ్చుదిద్దబడ్డది
రేకు: 0376-1 నాదరామక్రియ సంపుటం: 11-451
పల్లవి: ఆఱడిం బెట్టకు మమ్ము నప్పటి నీవు
ఆణ నీవు నా కోపము అప్పటి నీవూ
చ. 1: మందు మందె సోఁక నాడి మొరఁగి లే దనేపతి
కందాలు చెప్ప వచ్చేవు అప్పటి నీవు
సందె మాడి వోడి తానె పగ చాటీ లోలోన
అందు కేల నవ్వేనే అప్పటి నీవు
చ. 2: సంగతి గానిచేఁతలు సారెఁ జేసినట్టివాని
నంగవించి కూడు మనే వప్పటి నీవు
ముంగిట వాఁడుండఁ గాను మొక్కి మొక్కిమావలపె
అంగడి వేసేవు మేలే అప్పటి నీవు
చ. 3: యింటికి నాతనిఁ దెచ్చి యిట్టె కాఁగిలించు మంటా
అంటించేవు బటిమినే అప్పటి నీవు
దంట శ్రీవెంకటేశుఁడు తానె కలసె నీమాఁట
కంటే నన రాదు మొక్కే వప్పటి నీవూ