ఈ పుట అచ్చుదిద్దబడ్డది
రేకు: 0375-6 లలిత సంపుటం: 11-450
పల్లవి: కంటి మిన్నాళ్లకు గక్కన దొంగను
అంటె నోర నదే అంగమచ్చము
చ. 1: వుట్టు లెక్కినాఁ డొక్క తొక్కతె
తిట్టఁ దిట్ట వాని దిగఁ బిలవరే
గుట్టుఁ గృష్ణునికి గొల్లెతలకును
యెట్టు గావలసి నట్టయ్యీఁ గాని
చ. 2: మూల నున్నాఁ డదె ముంగిటికిఁ దీసి
రోలఁ గట్టరే రోస మెల్లఁ దీర
నీలవర్ణునితో నేఁడు మనబలి
మేలాగున నైన నెక్కీఁ గాని
చ. 3: మంచముపై వాఁడె మన మిందరము
కొంచక వొక్కొక్కగురుతు నేయరే
యెంచఁగ శ్రీవెంకటేశునకు మనకు
నంచెఁ బొందు లాయ నట్టే కాని
