ఈ పుట అచ్చుదిద్దబడ్డది
రేకు: 0375-5 సాళంగం సంపుటం: 11-449
పల్లవి: పిండికూరలోనలుపులునేఁబెనఁగి యేరఁగ నోపతన్ను
చండి సేయఁగ రాదు యిఁకసరుగఁగూచుండుమనవేయమ్మా
చ. 1: వేగి మిలిచినచీఁకటి వీఁడేల తడవీ మమ్ము
ఆగడము రాతి రెల్ల సతులు ఆడఁ జేయట చాలదా
యీగతులు నేనెఱఁగనా మరియు యేల రేఁచీమమ్మును
జాగులన్నియును యిఁకచాలుఁ గూచుండుమనరేయమ్మా
చ. 2: పూస గుచ్చినదారము పోనీఁడు తా నన్నును
వాసితో వీరి వారి వెనువెంట వలలఁ దిరుగుట చాలదా
సేసినవి తా నెరఁగఁడా చెప్పఁ బోతే నవ్వులు
ఆసఁ దన కెపుడుగలదూ యిఁక నాయఁగూచుండుమనరేయమ్మా
చ. 3: పూవుల పూఁపలువలెనె పొసఁగఁ దా నన్నుఁ గూడె
భావమున తలఁచి తలఁచి కూడెటిభావరతులెచాలదా
సేవ లెల్లనుఁ జేసితి నేఁడు శ్రీవెంకటేశ్వరునికి
యీవేళ నేఁ దనిసితి యెపుడు నిట్లఁ గూచుండు మనరేయమ్మా