ఈ పుట అచ్చుదిద్దబడ్డది
రేకు: 0375-4 సామంతం సంపుటం: 11-448
పల్లవి: అడ్డ మాడకు వమ్మ నీ వాతనితోను
వొడ్డార మతఁడు నీతో నొనరించీనా
చ. 1: మూలలకుఁ బోకు వమ్మ ముంచి యాతఁడు రాఁగాను
యీలాగు దొరచిత్త మెట్టుండునో
బాలకివి నీ విపుడు ప్రౌఢనాయకుఁ డతఁడు
తాలిమి నీయడకుఁ దప్పి నేసినా
చ. 2: సిగ్గులు వడకు వమ్మ చెనకి యాతనితోను
నిగ్గులమగవాఁడు యేనెప మొంచునో
అగ్గలపు మేనదాన వతఁడు మోహపువాఁడు
యెగ్గలు నీ కొనరించి యెలయించీనా
చ. 3: పక్కన నవ్వకు మమ్మ పట్టి యాతఁడు గూడఁగ
యెక్కువ శ్రీవెంకటేశుఁ డెంత సేసునో
మిక్కిలి వాసికత్తెవు మించి వోరుచు నాతఁడు
వొక్క టైతి రిఁక నీపై నోల వేసీనా