ఈ పుట అచ్చుదిద్దబడ్డది
రేకు: 0375-3 నాగవరాళి సంపుటం: 11-447
పల్లవి: వలవు రచ్చల వేసేవారు గలరా
కులమునాండ్ల నింత గోర నేయ వలెనా
చ. 1: నేరుపునఁ గళ లంటి నివ్వెరగుఁ బొందించేవు
వీరు వారుఁ జూచి నన్ను వెఱ్ఱి యనరా
వూర కున్న నామీఁద వొక్కొక్క గురుతు సేసి
ఆరయ నిదెంత చిత్తి ణనిపించ వలెనా
చ. 2: చేతిమీఁద జేయి వేసి చెమరింపించేవు మేను
ఆతలివారు చూచి నన్నట్టె నవ్వరా
కాతరపుమాట లాడి కన్నులకెం పెక్కించేవు
యీతరుణిమదరాగ మిది యెమ్మె లనరా
చ. 3: రతి నేసి తెర దీసి రామలఁ బిలిపించేవు
అతివె లి దెంత పచ్చి యనరా నన్ను
గతిగా శ్రీవెంకటేశ కలసితి విటు నన్ను
యితవరి యిది యెంత యిచ్చకురా లనరా