ఈ పుట అచ్చుదిద్దబడ్డది
రేకు: 0375-2 సాళంగనాట సంపుటం: 11-446
పల్లవి: దగ దొట్టి వుస్సు రనీఁ దన కేలే
మగఁడే యింత సేసితో మరి యేఁటి మాఁటలే
చ. 1: ముప్పిరి నాపె కంటేఁ దాముందై వాదుకు రాఁగ
యిప్పుడుఁ గోపము రాక యింకా నెన్నఁడే
చప్పఁగా నప్పటిఁ దానే సాకిరులు చెప్ప వచ్చీ
కుప్పలుగా నవ్వ కెట్టు గుట్టు చేసుకొందునే
చ. 2: సారెకు నాకెకుఁ గా బాసలు దానే సేయ రాఁగా
యీరు దియ్యఁ బేను రాక యేల మానువే
పోరిచ యెందు కైనాఁ దాఁ బూసుక వాసుక రాఁగా
దూరక దైవముల నేల తోసిపో నిత్తునే
చ. 3: చెంది మ మ్మిందది దానె చెక్కులు నొక్కఁగ రాఁగా
యిందరితోఁ జెప్పక నే నేల మానేనె
కందువ శ్రీవెంకటాద్రిఘనుఁ డట్టె నన్నుఁ గూడె
చందమే కాక నే నెట్టు చలము సాదింతునే