ఈ పుట అచ్చుదిద్దబడ్డది
రేకు: 0375-1 శంకరాభరణం సంపుటం: 11-445
పల్లవి: ఏల నన్ను బుజ్జగించే వింతటిలోనె
నాలితో నీ వేడ నున్నా నన్ను మానేవా
చ. 1: చిన్నఁబోయి వుండ నేల చెక్కు చేయి నాకేల
మన్నించి నీవే నాతో మాట లాడఁగా
మున్నె నీ కొప్పగించితి ముంచిన నా దేహ మెల్ల
నిన్న నేఁటి వారిమాట నే వినేనా
చ. 2: వెంగె మాడ నా కేల వేసరుకొనఁగ నేల
సంగతిగా నీవే నాతో సారె నవ్వఁగా
వుంగరము వెట్టితిని వున్నదాన నీకుఁ గాను
చెంగట నెవ్వరు నేమి చెప్పేరు యిఁకను
చ. 3: సిగ్గు వడ నా కేల సిరసు వంచఁగ నేల
దగ్గరి నీవె నాకు దక్కి వుండఁగా
నిగ్గుల శ్రీవెంకటేశ నీవే నన్ను గూడితివి
యెగ్గులు దప్పలు మరి యెంచ నేది యిందునూ