ఈ పుట అచ్చుదిద్దబడ్డది
రేకు: 0374-6 పాడి. సంపుటం: 11-444
పల్లవి: ఏలోయి విభుఁడా యిప్పుడు బాఁ తైతిమా
తాలిమి నిన్నాళ్లు నీతలఁ పిట్టె వుండేనా
చ. 1: సంగతిగా నాపెతోడ జగడించి రా కుండితే
నంగవించి మాతో మాట లాడుదువా
కుంగక కూడు వేఁ డైతే కూరాకు నంజినట్టు
పొంగుచు నీ నా సంది పొందు లెల్ల నిదివొ
చ. 2: సన్నల నాపెతో యకసక్యేలకు నేమో కాక
యెన్నఁడైనా మాయింటికి నిట్టే వత్తువా
పన్నీరు గడుఁ జలైతే పచ్చిచాఁదు పూసినట్టు
యెన్నఁగ నీ నా పొందు లిన్నియు నిట్టెపో
చ. 3: బలిమి నీ వాపెతోడ పంత మాడి రా కుండితే
కొలఁది మీర నన్నిట్టే కూడుదువా
అలరి శ్రీవెంకటేశ ఆయములు సోఁకినట్టు
తలఁగని నీ నా పొందు తారుకాణ సుమ్మీ