ఈ పుట అచ్చుదిద్దబడ్డది
రేకు: 0374-4 భవుళి సంపుటం: 11-442
పల్లవి: చిత్తగించి చూడవయ్య చిగురుఁ బోఁడిదిక్కు
బత్తి నీవు గల దాపెభాగయ్యముకొలఁ దయ్యా
చ. 1: చెలిచెమటల నాని చిత్తములో వలపులు
పులక లై మొలచెను బుజ కలిగే
యెలమిఁ గోరికె లై యీరికె లెత్తె నవే
బలుపంట లిక నీభాగ్యముకొలఁ దయ్యా
చ. 2: అంగనవిరహవేళ నాయిటిగా లై వూర్పు
వెంగలితనాన నట్టె విసరఁ జొచ్చె
పొంగుచుఁ దూరు పెత్తంగఁ బొలివారె నివ్వెరగు
పంగులఁ గోరు వట్టు నీభాగయ్యకొలఁ దయ్యా
చ. 3: కామినికుచము లనేగాదలెను జవ్వనము
ఆమనికాలము ఫై పై నదె ముంచెను
చే ముంచి కూడితి విట్టె శ్రీవెంకటేశ యీపెను
భామకు నీకు రతులు భాగ్యముకొలఁ దయ్యా
