ఈ పుట అచ్చుదిద్దబడ్డది
రేకు: 0374-3 సామంతం సంపుటం: 11-441
పల్లవి: తనకును నాకునుఁ దగు లేదే
పెనఁగి పిలవనిపేరట మిపుడూ
చ. 1: దవ్వుల నాతఁడు దప్పక చూచీ
నెవ్వరి మనసున నె టుండునో
నవ్వ కుండినా నన్నుఁ బెడరేఁచీ
చివ్వన నా కిది సిబ్బితి గాదా
చ. 2: కోపగించినాఁ గొంగులు వట్టీ
యీపెకు నితని కే మనరా
మాపుదాఁకా నిదె మాటలె యాడీ
ఆపని మీతో నన సంగతులా
చ. 3: కడు నాన లిడఁగఁ గాఁగిట నించెను
వెడ వెడ గుట్టింక వెలిఁ బడదా
బడి శ్రీవెంకటపతి యిదె తిరిగీ
నిడువుల నిందలు నిజమే కాదా