ఈ పుట అచ్చుదిద్దబడ్డది
రేకు: 0374-1 శంకరాభారణం సంపుటం: 11-439
పల్లవి: నామనసు వేగిరించీ నాకంటేను
తామసించఁ బని లేదు తమకించీ వయసు
చ. 1: పోయి వచ్చి తటె నేఁ బొమ్మన్న చోటికి నీవు
ఆయనా ఆపని నే నన్నట్లనే
మాయలు గావు గదా మన సొక్క టాయనా
యీయెడకు నీవెంటే యిప్పు డిట్టె వచ్చెనా
చ. 2: వేలఁ దగిలించుకొన్న వింతలేక యెక్కడిదే
మేలుసుద్ది నీమొకాన మించీ నదే
వాలుకరెప్పలకొన వంచి సన్న సేసేవు
లోలో మాటాడుదము లోనికి రాఁ గదవే
చ. 3: యేఁటికి నవ్వేవే నీవు యెంచినట్టే ఆయనా
చాటువ నదియ నా సంతోషము
యీటున శ్రీవెంకటేశుఁ డింతలో విచ్చేసి కూడె
పాటించి తా నే మనీనె పంతము లీడెరెనూ