ఈ పుట అచ్చుదిద్దబడ్డది
రేకు: 0373-4 శంకరాభరణం సంపుటం: 11-436
పల్లవి: ఎంద రైనఁ గలరు నీ కెరుఁగుదు నది నేను
నింద నీపైఁ బడి నని నే ననేఁ గాని
చ. 1: కాయము నీచేతిది కడు మోహించితిఁ గాన
యేయడకు నీ వేఁగఁగా నే మౌదునో
నాయంతకు నే వెరవ నంటున నిన్నందరును
యీయెడ దూరే రని యెంచుకొనేఁగాని
చ. 2: వుసు రెల్ల నీసొమ్ము వూడిగపుదానఁ గాన
దెసలు నీచేతవి నీ తెగు వెట్టౌనో
విసుగ నీసుద్దులకు వెక్కసపుటపకీర్తి
ముసరి మీఁదట నీపై మోచీ ననీ కాని
చ. 3: బదు కెల్ల నీసొమ్ము పట్టపుదేవులఁ గాన
యిదె నీరతులలో నే నెంత సేతునో
పొదిగి శ్రీవెంకటేశ పోనీక కూడితి నన్ను
అది గాదు నాతో సరి యయితి వనీ కాని