ఈ పుట అచ్చుదిద్దబడ్డది
రేకు: 0373-3 లలిత సంపుటం: 11-435
పల్లవి: నూఁటికి సెలవు గాఁగ నూలిపోఁగే యందురు
యేఁటి కిఁక మాఁట లెల్లా నిందులోనె వున్నవి
చ. 1: నిండు విరహతాపాన నీవు రాని కోపాన
అండ నే మని దూరి నే నంటినో నిన్ను
వుండుసుద్దు లేల యిఁక వొక్క మాఁటే మొక్కే మిదే
చండి పెట్టి యే మన్నాఁ జవి గాదు ప్రియము
చ. 2: చెప్పుడు మాఁటలకుఁ గా చిత్తము నిలుప లేక
వుప్పటించి నిన్ను నెంత వొరసితివో
ముప్పిరి నాకందు వాయ ముందటికి వచ్చితిమి
యిప్పు డిఁక నే మన్నా నెరవు లై తోఁచును
చ. 3: చెఱఁగు వట్టి తియ్యఁ గా సిగ్గునఁ దప్పించుకోంటా
తఱి నాకొనగో రెందు దాఁకించితినో
నెఱి శ్రీవెంకటేశుఁడ నే నందుకే కూడితిని
మొఱఁగు మరఁగు లేదు ముంచుకొనీ నవ్వులు
