ఈ పుట అచ్చుదిద్దబడ్డది
రేకు: 0373-2 ముఖారి సంపుటం: 11-434
పల్లవి: కడు గట్టిగుండె నీకుఁ గాఁగాఁ గాక
అడరి పాయపువారి కంతేసి చెల్లునా
చ. 1: పంతము దప్పినఁ దప్పీ పక్కన నవ్వేవు సుమ్మీ
యింతిరో నిన్నటిమాట కిపుడు నీవు
చెంతల నే మిందరము చేరి వేఁడుకోఁ గాను
కాంతునిఁ గాఁగిట నిట్టై కలయఁగ వలదా
చ. 2: మంకులు దీరినాఁ దీరి మాట లూఁకొనేవు సుమ్మీ
వుంకువగా రాతిరింటివొట్లకును
సంకె దీర మీతగవు సరిగా నే తేర్చఁ గాను
యింకా నేల అలుకలు యియ్యకొన వలదా
చ. 3: సిగ్గులు వీడినా వీడీ సిరసు యెత్తేవు సుమ్మీ
అగ్గ మై శ్రీవెంకటేశుఁడ డండ నున్నాఁడు
వెగ్గళిం చాతఁడే నిన్ను వేఁడుక కాఁగిటఁ గూడె
నిగ్గుల మమ్మిక మెచ్చి నిండుకొన వలదా