ఈ పుట అచ్చుదిద్దబడ్డది
రేకు: 0373-1 మంగళకౌశిక సంపుటం: 11-433
పల్లవి: నావాఁడ వని నిన్ను నమ్మి యుందును
యీవేళ నాతోనె యింత గలదా
చ. 1: రావద్దా నీవు నేఁడు రమణుఁడ మాయింటికి
కావిరి నీకు నేము కడవారమా
సోవల నెగ్గులు లేవు చుట్టపువరుసే నాకు
నీ వెరఁగనితగవు నీకుఁ జెప్పేమా
చ. 2: చెప్ప వద్దా నీవు నాకుఁ జేసేపనుల కెల్ల
నెప్పు డైన నేము నీకు నెదు రాడేమా
తప్పించుకోఁ బని లేదు తగుల మైనచోట
ముప్పిరి నీకు వలపు మోపు గట్టేమా
చ. 3: కూడ వద్దా నీకు నీవే కొంగు వట్టి నన్ను నేఁడు
జాడ దప్పి నీకు మెచ్చనివారమా
యీడనె శ్రీవెంకటేశ యింత సేసి కలసితి
వేడుక నీచేఁతలకు వెగ్గళించేమా