ఈ పుట అచ్చుదిద్దబడ్డది
రేకు: 0372-6 శ్రీరాగం సంపుటం: 11-432
పల్లవి: నీతో వాదుకు నే నోప
యేతుల కిఁక నీ వే మైన ననరా
చ. 1: బచ్చనమాటలు పలుమరు నాడఁగ
యెచ్చుకుందు లిఁక నే మౌనో
వొచ్చము లే కే నూర కుండఁగా
యిచ్చకొలఁది నీ వే మైన ననరా
చ. 2: చేకొని బత్తులు సేయఁగ రాఁగా
నేకొలఁది బడునో యెన్నికలు
చీకా కయి నే సిగ్గున నుండఁగ
యీకొలఁదుల నీ వే మైన ననరా
చ. 3: గుఱిగాఁ గాఁగిటఁ గూడఁగఁ రాఁగా
నెఱుకలు మఱపులు నే మవునో
నెఱి శ్రీవెంకటనిలయుఁడ నీవే
యెఱిఁగి కలిసితివి యే మయిన ననరా