ఈ పుట అచ్చుదిద్దబడ్డది
రేకు: 0372-3 గుండక్రియ సంపుటం: 11-429
పల్లవి: కన్నవా రెవ్వరు దీనిఁ గడ లేని జవ్వనము
తన్నుఁ దానె వలపు లింతకుఁ దెచ్చె నయ్యా
చ. 1: మనసులోపలి చింత మాటలాడుదాఁకాఁ
యెనలేనిమాఁట బయలీఁతకుఁ దెచ్చె
తనవోని బయలీఁత తమకములకుఁ దెచ్చె
పెను నావల పింతగాఁ బెరిగె నోయయ్యా
చ. 2: గక్కనఁ జూచినచూపుకాఁక లింతేసికిఁ దెచ్చె
చిక్కించి కాఁకలు లోలో సిగ్గుకుఁ దెచ్చె
నిక్కినసిగ్గులు నేఁడీ నివ్వెరగులకుఁ దెచ్చె
పిక్కటిల్లి వల పింత పెరిగె నోయయ్యా
చ. 3: మితి లేని మోహములు మేరలు మీరఁగఁ దెచ్చె
రతులమేరలు యింత రవ్వకుఁ దెచ్చె
యిత వై శ్రీవెంకటేశ యిట్టె నీవు గూడితిని
కత రై వలపు లింతగాఁ బెరిగె నయ్యా
