ఈ పుట అచ్చుదిద్దబడ్డది
రేకు: 0372-4 సామంతం సంపుటం: 11-430
పల్లవి: చేరి మందెమేళ మెంత సేసేవు మమ్ము
మేరకు మేరే కాక మిక్కి లింత చెల్లునా
చ. 1: చివ్వన నీ కూడిగాలు సేసేకాంతలలోన
నెవ్వరిఁ బోలుదు నేన న్నేల పట్టేవు
యివ్వల నీ వే మన్న నెదు రాడఁ జాలఁ గాక
దవ్వుల నుండిననన్ను దగ్గరి రాఁ దీతురా
చ. 2: అంచెల నీతో నవ్వే యాపాటివారమా
పొంచి నన్ను నెంత సేసి పొగడేవు
ముంచి బలిమి సేయఁగా మోనానల నుండితిఁ గాక
మంచ మెక్కి నీసరుస మాట లాడేదాననా
చ. 3: కొంగు వట్టేవు నీకాలిగోరఁ బోరఁ గలనా
యెంగిలి మా మోవితేనె లేల ముట్టేవు
అంగవించి శ్రీవెంకటాదిప కూడితి నన్ను
మంగిటినిధానము వై ముట్టి నన్నుఁ బాయవూ
