ఈ పుట అచ్చుదిద్దబడ్డది
రేకు: 0371-6 రామక్రియ సంపుటం: 11-426
పల్లవి: నీకే తెలుసు నయ్య నీతగవూ
యీక డాకడివారలు యే మందురో కాని
చ. 1: అంచెలఁ బెట్టెను చూపు లంగన నీరాకకు
యించుకంత నీజాగు లెరఁగ రాదూ
మంచివాఁడ వంటానె మమ్ము నంపె నీకడకు
యెంచి యిటమీఁదిపను లె ట్టుండునో కాని
చ. 2: పడఁతి మొక్కులు నీకు పౌఁజు లెదురుగా నంపె
అడరి నీరాజస మింతౌ తెరఁగదూ
అడియాలము చెప్పంపె నది యెం తైనాఁ గలదు
యెడసి నీ వుండినందుకు కే మనునో కాని
చ. 3: కాంత కుచములు నీకు కానికెనా మీఁ దెత్తె
పంతము నీవు చెల్లించేబా గెరఁగదూ
అంతలో శ్రీవెంకటేశ ఆదరించి కూడితిని
యింతటి నీ మేలు దక్కె నిఁక నెంతో కాని