ఈ పుట అచ్చుదిద్దబడ్డది
రేకు: 0371-5 మంగళకౌశిక సంపుటం: 11-425
పల్లవి: ఇసుమంత పని కైన యియ్యకొందును నీ
వస మైనదాన నీకు వంక లాడ వలెనా
చ. 1: మన్నించి నీవు నాతో మాట లాడితిని గాక
సన్న సేసి నిలచుటే చాలదా నాకూ
నన్నుఁ జూచి మరిఁ గొంత నవ్వు నవ్వితిని గాక
వున్నట్టె నావొద్ద నీవు వుండితేనె చాలదా
చ. 2: కరుణించి నీవు నాకాయ మంటితివి గాక
సరిపేరఁ బిలిచిన చాలదా నాకు
మరిగించుకో లేక మంతన మాడేవు గాక
గరిమె నీసొమ్మ నని కైకొంటే చాలదా
చ. 3: ఆదరించి కాఁగిట నీ వలముకొంటివి గాక
సాద నంటా మెచ్చి తిదె చాలదా నాకు
సేదదేరఁ గూడితివి శ్రీవెంకటేశ నీవు
పాదము చాఁచి నన్నుఁ బైకొనుటే చాలదా