ఈ పుట అచ్చుదిద్దబడ్డది
రేకు: 0371-3 పాడి సంపుటం: 11-423
పల్లవి: నే నొకటి నేయఁగాను నీ వొకటి సేసేవు
కోనచెన్న రాయఁడ నీగుణ మింక మానవు
చ. 1: పక్కన నే తోడ పకపక నగఁగాను
తెక్కుల నీ వైతే నేల తిట్ట వచ్చేవూ
మొక్కలము విడిచి నే ముచ్చట లాడుకోఁగాను
వెక్కసపువెంగె మని వేరె తలఁచేవూ
చ. 2: తనివోక నే నిన్ను తప్ప కిట్టె చూడఁగాను
తనవు చూచుక నీకే తల వంచేవు
అనుమానము లే దని ఆన నీపైఁ బెట్టఁగాను
పెనచి నీ వామాఁట పేరడిఁ బెట్టేవూ
చ. 3: కందువ లంటుచు నిన్ను కాఁగిట నించఁగాను
పొందుల నుప్పు వేసి పొత్తు గూడేవూ
అందపు శ్రీవెంకటేశ అట్టె కొనచెన్నఁడ వై
ముందు వెనకాఁ గూడి మోహము చల్లేవూ
