ఈ పుట అచ్చుదిద్దబడ్డది
రేకు: 0371-2 కన్నడగౌళ సంపుటం: 11-422
పల్లవి: ఇంక నేల ఆసుద్దులు యిన్నియు నిందే కంటిమి
అంకెల నీ విన్నాళ్లు అంతేసి నేరుతువా
చ. 1: నవ్వెటినిన్నుఁ జూచి నమ్మఁగలదానఁ గాక
యెవ్వరికపటా లెట్టో యెఱఁగుదునా
మవ్వపు నీమేన నేఁడు మచ్చములు గంటిఁ గాక
నెవ్వగ నపనమ్మిక నీపై తొల్లి కంటినా
చ. 2: నీనయగారములకు నేనే మెచ్చుకొందుఁ గాక
యే నెపానకుఁ జేయుట యెరుఁగుదునా
కానీలే నీకపటాలు కానఁబడెఁ గాక నేఁడు
నానాఁడె నీ గుణము నా కింత దెలుసునా
చ. 3:గక్కన నీవు గూడఁగ కాని మ్మని యందుఁ గాక
యెక్కడనుండి వచ్చుట యెరుఁగుదునా
యిక్కువ శ్రీవెంకటేశ యిట్టె నన్నుఁ గూడితివి
నిక్కి నేఁడు సేసే మేలు నిన్న నెరుఁగుదునా
