ఈ పుట అచ్చుదిద్దబడ్డది
రేకు: 0370-6 ముఖారి సంపుటం: 11-420
పల్లవి: ననుఁబోటిగాఁ గా నాతో నవ్వేఁ గాక
గునినే యాఁట దైతే గుంపించ కుండునా
చ. 1: తక్కక నేను నిన్ను తప్పు లెంచఁ జాలఁ గాక
నిక్కపు నీవొళ్లితప్పు నీ వెఱఁగనా
చెక్కు నొక్కి చెలు లెల్లాఁ జెప్పఁగానె వింటిఁ గాక
వెక్కసపుటాఁట దైతే విడనాడ కుండునా
చ. 2: కావరించి నిన్నుఁ దారుకాణఁ బెట్టఁ జాలఁ గాక
నీ వాడినమాఁటలు నీ వెఱఁగవా
మోవ నాడి యిందరూను మొక్కఁగానె వింటిఁ గాక
చేవ దేరి నాఁట దైతే చిమ్మి రేఁచ కుండునా
చ. 3: కలసినమీఁద నీతోఁ గపటాలు నేరఁగాక
నిలువు నీకుచ్చితాలు నీ వెరఁగవా
చెలఁగి కూడితి విట్టె శ్రీవెంకటేశ నన్ను
అలిగినయాఁట దైతే నలయించ కుండునా