ఈ పుట అచ్చుదిద్దబడ్డది
రేకు: 0370-3 శంకరాభరణం సంపుటం: 11-417
పల్లవి: ఎవ్వరితో గొడ వేల యింకా నీకు
రవ్వగా నీయింటికి రమ్మనేవు నీవూ
చ. 1: యీయింతిపయి మన్నన నీ కఁటిదో వొక్కమాఁటలో
సేయరానిపను లైన సేతువు నీవు
మాయ సేసి యాపె నీతో మచ్చిక చల్లితేఁ జాలు
పాయ లేక నిలువున భ్రమతువు నీవూ
చ. 2: యెవ్వ రైనా నాపెను నేఁ డిటు పేరుకొంటేఁ జాలు
అవ్వల మూపులు మూఁడు అవుదువు నీవు
నవ్వులకు నాపెపయి నానలు వెట్టితేఁ జాలు
నివ్వెరగుపడి అట్టె నిలుతువు నీవూ
చ. 3: యెంతదడ వాపె నీయెదుట నుండితేఁ జాలు
రంతులఁ గిందు మీఁదు నరయవు నీవూ
కాంతతో శ్రీవెంకటేశ కడపలోఁ దే రెక్కి
యింత నన్నుఁ గూడి వీదు లేఁగితివి నీవూ
