ఈ పుట అచ్చుదిద్దబడ్డది
రేకు: 0370-2 లలిత సంపుటం: 11-416
పల్లవి: కా దని మీమాఁట కడచేమా
సోదించి మమ్మే సొలయఁగ రాదా
చ. 1: తెలిసినమాఁటకు తెరమరఁ గేఁటికి
చెలులు తగవు లిటు చెప్పరే
అలిగి యిద్దరము నటు నిటు నుండఁగ
చల మే లని మమ్ము జంకించ రాదా
చ. 2: మునుపు వెన కెరిఁగి మొగమో టేఁటికి
అనవలసినట్ల నాడరే
పెనఁగుచు మాతో బీరము లాడఁగ
కనుసన్నలచే కలఁపఁగ దగదా
చ. 3: అమరినపనులకు ననుమాన మేల
సమము సేసితిరి సరుగ మమ్ము
క్రమమున శ్రీవెంకటపతి గూడెను
గుము రై మా కిటు గురిగాఁ దగదా