ఈ పుట అచ్చుదిద్దబడ్డది
రేకు: 0370-1 సాళంగం సంపుటం: 11-415
పల్లవి: ఎదుట నున్నాఁడు వీఁడె యీబాలుఁడు
మదిఁ దెలయ మమ్మ యేమరులో కాని
చ. 1: పరమపురుషుఁ డట పసులఁ గాచె నట
సరవు లెంచిన విన సంగతా యిది
హరియే తా నటముద్దు లందరికిఁ జేసె నట
యిర వాయ నమ్మ సుద్దు లేఁటివో కాని
చ. 2: వేదాల కొడయఁ డట వెన్నలు దొంగిలె నట
నాదించి విన్నవారికి నమ్మికా యిది
ఆదిమూల మితఁ డటా ఆడికెల చాఁత లట
కా దమ్మ యీసుద్దు లెట్టికతలో కాని
చ. 3: అల బ్రహ్మతండ్రి యట యశోదకు బిడ్డఁడట
కొలఁ దొకరికిఁ జెప్ప గూడునా యిది
తెలిపి శ్రీవెంకటాద్రిదేవుఁడై నిలిచె నట
కల దమ్మ తన కెంత కరుణో కాని
