ఈ పుట అచ్చుదిద్దబడ్డది
రేకు: 0369-6 దేసాళం సంపుటం: 11-414
పల్లవి: నీకుఁ బోదు నాకుఁ బోదు నీ వెట్టు సేసినాఁ జేయి
సాకిరివంటిది నాజవ్వన మిందుకును
చ. 1: జిగురువంటిది నాచిత్త మిది నీమీఁదఁ
దగిలి విడువరు నీ తగురూపు
తగరువంటిది నాతమకము మీఁద మీఁద
నతడు నేయు నీయాయాలు దాఁకీని
చ. 2: బచ్చనవంటిది నాపలుకు నీయడకును
అచ్చమై చూడఁ జూడఁగ నంద మై యుండు
నిచ్చనలవంటివి నానిండుఁ గోరికలు నీకు
హెచ్చినవలపు తల కెక్కఁ జేసేయెందుకు
చ. 3: గాలమువంటిది నాకాఁగిటికూటమి నీకు
తూలి మరి యెందుకునుఁ దొలఁగ రాదు
తాలమువంటిది నాతగులమి నీమీఁద
మేలిమి శ్రీవెంకటేశ మీఁదఁ గిందఁ బాయదూ