ఈ పుట అచ్చుదిద్దబడ్డది
రేకు: 0369-4 రామక్రియ సంపుటం: 11-412
పల్లవి: ఇంకా నేల తడవే వేరా నీవు
సంకె దేరె నాకు నీ చలమూఁ జెల్లెనూ
చ. 1: మాట నీతో నాడితిని మనసూఁ దెలిసితిని
యేఁటికి నన్నుఁ బిలిచే వేరా నీవు
యీటుతోఁ బెండ్లాడితివి యిట్టె సేస వెట్టితివి
వాఁట మాయ వలపులు వద్ద చే నుందానను
చ. 2: చేత నీకు మొక్కితిని చేరి నీతో నవ్వితిని
యీతల నన్నొరసేవు యేరా నీవు
నీ తగులు చూపితివి నెగు లెల్లా బాపితిని
యేతు నీకు గన మాయ నియ్యకొంటి నందుకు
చ. 3: కన్నుల నిన్నుఁ జూచితి కాఁగిటిలో నున్నదాన
యేన్నేసి ప్రియాలు చెప్పే వేరా నీవు
నన్ను మన్నింతిని విట్టె నంటున శ్రీవెంకటేశ
చిన్నపులకలు నిండి సెలవు నా కాయనూ
