ఈ పుట అచ్చుదిద్దబడ్డది
రేకు: 0369-3 రామక్రియ సంపుటం: 11-411
పల్లవి: చేసిన ట్టెల్లా నీకే చెల్లుఁ గాకా
ఆ సుద్దులు దడవి నిన్నంత సేయ వచ్చునా
చ. 1: నెమ్మొగము వాడె నంటా నిండుఁజెమ టేడ దంటా
దిమ్మరిమాఁటల నిన్నుఁ దిట్ట వచ్చునా
అమ్మరో పానుపుమీఁద నాకె నీవు నున్నా రంటా
నిమ్మపంటఁ గొని నేము నిన్ను వేయ వచ్చునా
చ. 2: యేతల చూచే వంటా యెంగిలిత మ్మేడ దంటా
చేత వంటి నిన్నే మైనాఁ జేయ వచ్చునా
భీతి లేక ఆపె వెంటఁ బెట్టుక వచ్చితి వంటా
నీతి దప్పి చిన్నఁ బో నిన్నుఁ జేయ వచ్చునా
చ. 3: ఆకెచే మొక్కించే వంటా అట్టె సిగ్గు వడ వంటా
కాకు సేసి నిన్ను గంప గమ్మ వచ్చునా
యీకడ శ్రీవెంకటేశ యిట్టె నన్నుఁ గూడితిని
పైకొని యింకా నిన్నుఁ బచ్చి సేయ వచ్చునా
