ఈ పుట అచ్చుదిద్దబడ్డది
రేకు: 0369-2 దేసాళం సంపుటం: 11-410
పల్లవి: ఎట్టు నేసినా నీచిత్త మింతే కాక
వట్టి జాలి నే నేల వాదు లడిచేను
చ. 1: చింత లేమిటికి నీవు చిత్తములో నుండఁగాను
పంత మేఁటికి నీవు చే పట్టి వుండఁగా
వింతదాననా నన్ను వేఁడుకొనే విప్పు డిట్టే
యెంత లేదు నీతో నే నేల యలిగేను
చ. 2: కోప మేఁటికి నీవు కొంగు వట్టు కుండఁ గాను
కైపు లేమిటికి నీవు గలి గుండఁగా
మాపుదాఁకానె నీకు మన్ననదానఁ గాన
యీపాటి కీపాటి యేల యలిగేను
చ. 3: వేసా లేమిటికి నీవు వేమారు నవ్వఁగాను
బాస లేమిటికి నన్నుఁ బచ్చినేయఁగా
ఆసగా శ్రీవెంకటేశ అట్టె నన్నుఁ గూడితివి
యీ సుద్దులకే నీతో నేల యలిగేను
