ఈ పుట అచ్చుదిద్దబడ్డది
రేకు: 0369-1 శంకరాభరణం సంపుటం: 11-409
పల్లవి: అయ్యో యిన్నాళ్లు నీవే నే నని వుంటివి
నెయ్యపు నీ కపటాలు నే నెరఁగ నయ్యా
చ. 1: యీడు గానిచెలి నన్ను నే మేమో ఆడఁగాను
వేడుక నోరాఁ గన్నుల వినేవు నీవు
తాడుపడి నే నందుకు తరిఁ జిన్నఁ బో యుండఁగాఁ
గూడెనా నీ కే మైనాఁ గోరి కట్టుకోవయ్యా
చ. 2: పుక్కటసతులు నాతో పురుఁడుకు రాఁగాను
దక్కెనా నీ పంత మదె తగఁ జూచేవు
పక్కన నే నిందుకుఁ గా పై పై నిన్ను దూరఁగాను
అక్కర దీరెనా నీకు నైతే నీచిత్తమయ్యా
చ. 3: నడుమంత్రాన నొకతె నాయెదుట మురియఁగా
యెడయక సమ్మతాన నేల నవ్వేవు
బడినె శ్రీవెంకటేశ పాయక నేఁ గూడఁగాను
యెడపులవారిపోందు లేమి బాఁతి నీ కయ్యా
