ఈ పుట అచ్చుదిద్దబడ్డది
రేకు: 0368-4 సామంతం సంపుటం: 11-406
పల్లవి: చీ చీ సతుల మనఁగ సిగ్గు గాదా
తాచి యిన్నియు నింకఁ దడవ నేమిటికి
చ. 1: సొలసియునుఁ దని వోదు చూచియునుఁ దని వోదు
పలుమారు నీమీఁదఁ బాడి తని వోదు
వలవ నేరుచు నాకె వలపించ నేర్చితివి
చెలులబతుకులు యింకఁ జెప్ప నేమిటికి
చ. 2: కదిసియునుఁ దని వోదు కడు నవ్వి తని వోదు
అదన నీతో మాట లాడి తని వోదు
మది నిలిచె నీ కాపె మన్నించితివి నీవు
గుదికొన్న కామినుల గొడవ యేమిటికి
చ. 3: మెచ్చియునుఁ దని వోదు మితిమీరి తని వోదు
కొచ్చి కాఁగిటిరతుల గూడి తని వోదు
యెచ్చటను శ్రీవెంకటేశ ననుఁ గూడితివి
హెచ్చితి మిద్దర మొకటే యితరు లేమిటికి
