ఈ పుట అచ్చుదిద్దబడ్డది
రేకు: 0368-3 శంకరాభరణం సంపుటం: 11-405
పల్లవి: మిము దూర నోపను మించతనిఁ బాయ లేను
తమకము దైన్యముఁ దడఁబడెనూ
చ. 1: ఆల విభునియెలుఁగు ఆలించెద నిదె
పలుకకురే అటు పలుమారు
యెలమి నాతనికి నెదు రేఁగెద నిదె
పిలువకురే ననుఁ బెనఁగుచును
చ. 2: వడి నతని నగరివంక చూచెదను
యెడ నడ్డము రా కిటు దలరే
తొడ రతనిసతులతో మాఁట లాడెద
చిడుముడిఁ బరాకు సేయకురే
చ. 3: శ్రీవెంకటపతికిఁ జేతుల మొక్కెద
చేపల బుద్దులు చెప్పకురే
కావించి నన్నతుఁడు కాఁగిటఁ గూడెను
భావించి ననుఁ బై పై నవ్వకురే
