ఈ పుట అచ్చుదిద్దబడ్డది
రేకు: 0368-2 గౌళ సంపుటం: 11-404
పల్లవి: వాఁడివో నీ రమణుఁడు వలసినట్టు సేయనీ
పేఁడుకొని మాకు నింత పెనఁగ నేమిటికి
చ. 1: బలిమిఁ బట్టఁగ రాదు పరాకున నుండ రాదు
యెలమి నీతోడిపొందు లెటుఁ బో రాదు
వలపు తీపన రాదు వడిఁ గార మన రాదు
చెలులము సారె బుద్ది చెప్పకుండ రాదు
చ. 2: నవ్వులు నవ్వఁగ రాదు నాలి నూరకుండ రాదు
యివ్వల నీతో సరస మెటుఁబో రాదు
జవ్వన మిందుకో రాదు చాలించి పో దొబ్బ రాదు
మవ్వపు మీతేఁకువలు మాకుఁ జూడ రాదు
చ. 3: తప్పక చూడఁగ రాదు తల వంచు కుండ రాదు
యెప్పుడు నీతోడిజాడ యెందుఁ బో రాదు
అప్పఁడు శ్రీవెంకటేశుఁ డలయేలుమంగ నిన్ను
యిప్పుడిట్టె కూడె మాకు నేమీ నన రాదు