ఈ పుట అచ్చుదిద్దబడ్డది
రేకు: 0368-1 పాడి సంపుటం: 11-403
పల్లవి: ఇంతులచేఁ జెప్పి పంపె యిదివో యాతఁడు దానె
సంతసపు మేలుసుద్ది చాటరే యిందరికి
చ. 1: అంగనవద్దికి నేఁడు ఆతఁడే విచ్చేసీ నట
సింగారింతము రారే చెలులాల
ముంగిల ముగ్గులు వెట్టి ముత్తేల పందిలికింద
బంగారుపీఁట వెట్టి పరవు వరచరే
చ. 2: యిందుముఖి మన్నించ నిప్పుడిది వేళ యట
విం దాయిత్తము సేయరే వెలఁదులాల
గందముఁ గస్తూరియును కప్పురవిడెములును
అందుకఁ బన్నీటఁ బాదా లదె కడుగరే
చ. 3: వాయిదాలు వాయించేరు వాకిటికి రాఁ బోలు
యీయింతిఁ జేపట్టినాఁ డింతలో నట
యీ యెడ శ్రీవెంకటేశుఁ డీమగువతోఁ గూడె
చే యెత్తే మొక్కరే మీరు సేసినట్టి మేలుకు