ఈ పుట అచ్చుదిద్దబడ్డది
రేకు: 0367-5 భైరవి సంపుటం: 11-401
పల్లవి: ఎప్పుడు నీసుద్దులు నే మెరిఁగినవే
కప్పురము గోవయ్య తల లెల్ల మాని
చ. 1: నొస లెల్లఁ జెమరించి నున్నని చెక్కుల జారె
కిసరి యెవ్వతె యలిగెనో నీతోను
యిసుమంత వడె కాని యింతి నిన్నుఁ బాయ లేదు
విసరేము రావయ్య వేసాలు మాని
చ. 2: సరు లెల్ల జిక్కువడి చల్లువెద లైన వివే
సిరుల నిన్నెం తాపె చేయి ముట్టెనో
సరస మింతే కాని చలము నీతోఁ గాదు
సరిసేసుకోవయ్య చలములు మాని
చ. 3: నిట్టూరుపులు రేఁగె నిద్దుర కన్నులఁ దేరె
అట్టె యెవ్వతెరతి నలసితివో
నెట్టన శ్రీవెంకటేశ నేఁడు నన్నుఁ గూడితివి
పట్టపలమేల్‌‌మంగను పంత మెల్ల మాని
