ఈ పుట అచ్చుదిద్దబడ్డది
రేకు: 0367-4 సామంతం సంపుటం: 11-400
పల్లవి: ఇదివో తెలుసుకోరా యింకా నీవు
మదనపరవశాన మర పాయఁ గాని
చ. 1: వాలుకరెప్పలు నాపై వంచి వంచి చూచేవు
ఆలించి న న్నెరిఁగిన ట్టయ్యీనో నీకు
మేల మాడి చూడు తొల్లి మేనవారమే మనము
సోలిఁ బెక్కుసతులలో చూచి మర పాయను
చ. 2: వీరి వారి యేకాంతాన విచారించి చూచేవు
కారన మే మైన నాతోఁ గద్దో నీకు
చేరి దగ్గరిన తొల్లి చెందిచుట్టాలమే
తారుకాణ లేక సందడి మర పాయనూ
చ. 3: పెనఁగి పెనఁగి నన్ను పే రడిగి చూచేవు
కనుచూపులగురుతు కంటివో నీవు
యెన లే కలమేల్మంగను శ్రీవెంకటేశ్వర
మనరతులనుఁ జొక్కి మర పాయఁ గాని