ఈ పుట అచ్చుదిద్దబడ్డది
రేకు: 0367-3 గుండక్రియ సంపుటం: 11-399
పల్లవి: మమ్ము నేల తడవేరు మాటిమాఁటికి
వొమ్మదు మాకు వలపు లో చెలులాల
చ. 1: మన నెల్లా నివ్వెరగు మాటలు నాకు వేసట
యెన లేనికత లెల్లా నేమి చెప్పేరే
విన నోప మారుమాట వివరించా నే నోప
అనుమాన మెల్లఁ దీర నాతని నడుగరే
చ. 2: కాయముపైఁ జెమటలు కన్నులపై వసినాడు
చేయి వట్టాతని నేల చేరఁ దీసేరే
సేయ లేను వినయాలు చేచేతఁ గొసర లేను
మాయకాఁ డాతని మీరె మనసు దెలియరే
చ. 3: నిమిష మొక్కటి యేఁడు నిండుఁబాయము తరవు
భ్రమయించి యాల వొడఁబరచేరే
సమరతి శ్రీవెంకటేశ్వరుఁ డిట్టె నన్ను గూడె
తమితో నాతని మీరు తప్పక నవ్వించరే