ఈ పుట అచ్చుదిద్దబడ్డది
రేకు: 0367-2 దేసాక్షి సంపుటం: 11-398
పల్లవి: నేసినట్టు నేయవయ్య చిత్తము వచ్చినయట్టు
బాస దుప్పేమగవానిఁ బట్ట వస వవునా
చ. 1: నేమాన నేపుణ్య మైన నీవో కట్టుకొందు గాక
యే మనిన నీ మాట కెదు రాడేమా
మోము వంచు కాఁడువారు మూలనుండుదురుగాక
గామిడైన మగవానిఁ గక్కసించఁ జెల్లునా
చ. 2: కిమ్ములవా రాడెటికీరితి నీదే కాక
యెమ్మె నెవ్వతెఁ దెచ్చినా నెగ్గు లెంచేమా
వుమ్మడిమానాపతులు వోరుచుకుందురు గాక
దిమ్మరి మగవారితో దీకొనఁగఁ జెల్లునా
చ. 3: పాపపుణ్యములలోని ఫలము నీదే కాక
యేపని సేసిన నీతో నీసడించేమా
చేపట్టి కూడితి నన్ను చేతిలోనిదాన నంటా
పై ఫై శ్రీవెంకటేశ బలుము చెల్లునా
