ఈ పుట అచ్చుదిద్దబడ్డది
రేకు: 0366-6 కాంబోది సంపుటం: 11-396
పల్లవి: ఇచ్చకమే నడచేటియిల్లాల నేను
పచ్చిసేఁత లివి మాకు పాడిగా దయ్యా
చ. 1: పక్కనఁ దిట్టఁగ నోప పై పై వేఁడుకొన నోప
వొక్కరీతి గుట్టుతోడ నుండే నేను
అక్కడివారెనీకు నన్నిటికి నేరుతురు
చిక్కించుక యిత వైతే నేయించుకో వయ్యా
చ. 2: అలిగి పొమ్మన నోప అప్పటి మొక్కఁగ నోప
నిలిచి రాజసముతో డే నుండేను
వెలయాండ్లే నీకు వినోదాలు నడుపేరు
చెలఁగి నీ కిత వైతే సేయించుకో వయ్యా
చ. 3: బొమ్మల జంకించ నోప పొరిఁ జెక్కు నొక్క నోప
యెమ్మె నీరతులఁ జొక్కి యిట్టుండే నేనూ
నెమ్మది శ్రీవెంకటేశ నీవు గూడితివిగ నన్ను
చిమ్మల నీ సేవ నాచేఁ జేయించుకోవయ్యా
