ఈ పుట అచ్చుదిద్దబడ్డది
రేకు: 0366-5 ఆహిరి సంపుటం: 11-395
పల్లవి: నీవు చేసినచేఁతకు నెలఁత యేమీ ననక
కావికన్నులకొనల కలకల నవ్వెను
చ. 1: మక్కువ నిన్ను దూరఁగ మనసు నొచ్చనో యని
వుక్కున జంకించఁగాను వొచ్చెమో యని
నిక్కి నిన్నుఁ జూడఁగాను నేరమి మోఁచునో యని
చెక్కు నొక్కి యింతి నిన్నుఁ జేరి నవ్వెనూ
చ. 2: యేల రావైతి వనఁగ నిట్టె చిన్నఁ బోదు వని
వేళ గాచు కుండఁగాను వెంగెమో యని
తాలిమితో నూరకున్నఁ దల వంచుకొందు వని
వేలు ముక్కుపై మోఁవి వికవిక నవ్వెనూ
చ. 3: చేయి వట్టి తియ్యఁగాను సిగ్గు వడుదువో యని
రాయడింపురతులకు రాఁ పయ్యే వని
యీయెడ శ్రీవెంకటేశ యిట్టె నిన్నంగన గూడి
పాయపుమదము తోడ పకపక నవ్వెను
