ఈ పుట అచ్చుదిద్దబడ్డది
రేకు: 0366-4 శుద్దవసంతం సంపుటం: 11-394
పల్లవి: ఏల మమ్ము నెగ్గు లెంచే వే మంటి నిన్ను
తాలిముల కెల్ల గురి తనమనవే
చ. 2: మోహము గలవారికి ముంగోపపుతి ట్లెల్ల
దేహనకు చల్ల నైనదీవెన లౌను
యీహల మనసు రాక యిత వెంత సేసినాను
వూహించి చూచినను వొరటు లై తోఁచుము
చ. 2: అచ్చివచ్చినచోటికి ఆయాలు దాఁకించుకొన్న
మచ్చికఁ గళలు రేఁగేమర్మము లౌను
మచ్చర మైనచోట మరి పాదా లొత్తినాను
కచ్చు పెట్టి యవే కామాకారము లై తోఁచును
చ. 3: అనుమాన మైనందుకు అన్నియానలు వెట్టిన
పనికి వచ్చునో రాదో భావించ రాదు
ఘనుఁడ శ్రీవెంకటేశ కైకొని కూడితి నిన్ను
వెనకటిదయ నాపై విడువకు వయ్యా
