ఈ పుట అచ్చుదిద్దబడ్డది
రేకు: 0366-3 ధన్నాశి సంపుటం: 11-393
పల్లవి: మందరిదోసము వాయ మొక్కితి మయ్య
చెంది నీపనికి నోఁచితఁగా నేను
చ. 1: అంగనలతో వాదు లడిచినకోవ మెల్ల
ముంగిట నుండిన నీపై ముంచితి నేను
చెంగట నూరకె నీ చిత్త మింత నొప్పించితి
సంగతిగా నెంత పాపజాతినో నేను
చ. 2: యెగసక్కెపుసవతు లే మేమో నవ్వఁగఁ జూచి
మొగము చూడక నామోము వంచితి
తగ వెఱఁగక నేనే తమకించితి నీ మీఁద
జిగి నన్నింత కట్టిణిఁ జేసెఁ గా దైవమూ
చ. 3: పడఁతులతోడ నేను పంత మాడినదాన నై
చిడుముడిఁ గూడి వచ్చి సేసితి నిన్నూ
కడఁగి శ్రీవెంకటేశ గబ్బి నైతిని రతుల
వెడఁగుఁజలాల నెంత వెఱ్ఱినో నేనూ