ఈ పుట అచ్చుదిద్దబడ్డది
రేకు: 0366-2 నారణి సంపుటం: 11-392
పల్లవి: ఎగసక్కె మాడితేనె యెంత సేసేవు
మగువతోనె నేఁడు మంకు లేల నేకును
చ. 1: పలుమారుఁ బిలిపించీ పదవయ్య చెలి నిన్ను
అలిగి వచ్చితి వంటా అప్పటినుండి
చల మెంత గలిగిన సతి నీవు గూడుకుంటె
తెలుసుకొందురు గాక తెగు వేల యీడను
చ. 2: వాకిట నిలుచున్నది వచ్చినదాఁకా నీవు
రాక తా నారగించదు రమణి నేఁడు
యేకతాన నాపెతోనె యే మన్నా నందువు గాని
వాకునిష్ణూరము లేల వద్దు వద్దు యీడను
చ. 3: కొంగు వట్టి తీసీ నిన్ను కొమ్మ దానె యిందు వచ్చి
వుంగిటిఁ జిన్నఁబోయి వున్నాఁడ వంటా
అంగవించి శ్రీవెంకటాధిప కూడితి విట్టె
వెంగలియాన లెల్ల విడవయ్య యిఁకను